තහනම් වෙබ් අඩවි නැවතත් කරළියට GoZZip Lanka

http://gossip.asianmirror.lk

වෘත්තීය වෙබ් මාධ්‍යවේදීන්ගේ සංගමයේ ප්‍රධානීන් හා ආර්ථික සංවර්ධන අමාත්‍ය බැසිල් රාජපක්ෂ, ජනමාධ්‍ය අමාත්‍ය කෙහෙළිය රඹුක්වැල්ල හා එහි ලේකම් චරිත හේරත් යන මහත්වරුන්ගේ ප්‍රධානත්වයෙන් පැවැති සාකච්ඡාවේදී එම සංගමයේ යෝජනාවලට යහපත් ප්‍රතිචාර ලැබී ඇතැයි වාර්තා වෙනවා.
එම සංගමයේ ලියාපදිංචිව සිටින දැනට මෙරට අන්තර්ජාල සේවාවන් වලින් පිවිසීමට බාධා සිදුකර ඇති මෙරට සිට ක්‍රියාත්මක වන වෙබ් අඩවි වන ශ්‍රී ලංකා මිරර් (Sri Lanka Mirror)
හා ද ඉන්ඩිපෙන්ඩන්ට් (the independent.lk) යන වෙබ් අඩවි වලට ඇති බාධා ඉවත් කිරීමට ද එහිදී එකඟවී ඇතැයි පැවසෙනවා.

එසේම වෙබ් මාධ්‍යවේදීන්ගේ සංගමය හා සම්බන්ධව පුහුණු පාඨමාලා එම මාධයවේදින්ට අවශ්‍ය වෙනත් පහසුකම්ද සැපයීමට ද එහිදී එකඟ තාවයකට පැමිණ ඇත.
එසේම වෙබ් අඩවි ලියාපදිංචිය කඩිනම් කිරීමටත් එහිදී වෘත්තීය වෙබ් මාධ්‍යවේදින්ගේ සංගමයේ ලියාපදංචි වෙබ් අඩවි සම්බන්ධයෙන් විශේෂ සැලැකිල්ලක් දැක්විමටත් ඇමතිවරුන් කැමැත්ත පලකර තිබෙනවා.

එසේම මෙරටින් බැහැරව සිට ක්‍රියාත්මක වන ලංකා ඊනිවුස් (Lanka Enews), ලංකා නිව්ස් වෙබ් (Lanka News Web), ටැමිල් නෙට් (Tamil Net), කල්ම්බු ටෙලිග්‍රාෆ් (Colombo Telegraph) යන වෙබ් අඩවි ඇතුළුව මේවන විට වාරණයට ලක්ව ඇති සියලු පුවත් වෙබ් අඩවිවල වාරණය ඉවත්කරන්නැයි ද වෘත්තීය වෙබ් මාධ්‍යවේදීන්ගේ සංගමය ඉල්ලීමක් ඉදිරිපත් කර තිබෙනවා.

-http://gossip.asianmirror.lk-