එතෙර චිත්‍රපට 4500ක් සිංහලට හැරවූ අපේ කොල්ලෝ GoZZip Lanka

ලොව වටා විවිධ රටවලදී විවිධ භාෂාවෙන් නිෂ්පාදනය කෙරෙන චිත්‍රපට සිංහල බසින් හැඩ ගන්වන අපූරු පිරිසක් රොක් වී සිටින අපූරු ස්ථානයකි බයිස්කෝප් සිංහලෙන් වෙබ් අඩවිය. මේ අප ඔවුන් සමග සිදු කළ සාකච්ඡාවකි.

2009 මාර්තු 10 වැනි දා ප්‍රථම පියවර වශයෙන් පොඩියට බ්ලොග් සටහනක් ලෙසින් ආරම්භ වුණ www. baiscopelk.com වෙබ් අවකාශය එදා වෙන්වුණේ, රසවත් සිනමාත්මක අත්දැකීමක් වෙබ් පරිශීලකයන් සමග බෙදා ගන්නටයි. සිනමාවට පෙම් බඳින ශ්‍රී ලාංකික තරුණ තරුණියන් එදා මේ බ්ලොග් සටහන වටේ එක් රැස් වුණේ හුදෙක් රසවත් නිර්මාණාත්මක නැවුම් අත්දැකීමක් ඔවුනොවුන් සමග බෙදාගැනීමේ අරමුණින්. මේ කටයුත්ත තනිවම ඇරඹූ ඉසිර ගුණතිලක තව දුරටත් තනි නොකර කාලයත්
එක්ක ඔහුගේ උත්සාහය තවත් ඔපමට්ටම් කිරීමට එකතු වූ  අනෙක් අය වන්නේ රොයිලි සොහොයුරා, වාසල සොහොයුරා සහ තරිදු දර්ශන (විකියා) සොහොයුරායි.  මෙලෙස කාලය ගතවත්ම ගතවෙනකොට සංස්කාර මඩුල්ලට හසන්ත සොහොයුරා වගේම සමීර සහෝදරයත් එකතු වුණා. 

මේ පැමිණි පස් අවුරුදු ගමණ තුල අප ශ්‍රී ලාංකික ජන හදවත් තුල අනුස්මරණීය මතක සටහන් තැබූ අවස්ථාද බොහෝය. ශ්‍රී ජයවර්ධනපුර සරසවියේ “අසෙනිය කුසුම” යෞවන සම්මාන උළෙලේ දී හොඳම පාඨක-පරිශීලක එකමුතුව සහිත සිංහල වෙබ් අවකාශය විදියට සම්මානයෙන් පිදුම් ලබන්නටත් මේ එකමුතුකම හේතුවක් වුණා.ඉන්පසුව සිංහල වෙබ් අවකාශයට තවත් අලුත් අලුත් දෑ එකතු කිරීමට  "බයිස්කෝප් සිංහලෙන්" පෙරමුණ ගත්තා. එතැනින් නොනැවතුණු අප ප්‍රථමවරට සිංහල උපසිරැසියක් අන්ත්ර්ජාලයට මුදා හැරීමට කටයුතු කළා.

සිංහල අක්ෂර ලියන්නටම සැකසූ මෘදුකාංගයක් භාවිතයෙන් පළමුවරට ඉංග්‍රීසි උපසිරැසියක් සිංහලට හැරවුණේ "රොයිලි ප්‍රනාන්දු" අතින්. එලෙස සකස් කරන ලද සිංහල උපසිරැසිය 2009 මාර්තු මස 26 වැනිදා අන්තර්ජාලයට මුදා හැරියේ  අන්තර්ජාලයට එක්වන ප්‍රථම නිදහස් සිංහල උපසිරැසිය බවට පත්වෙමින්.

උපසිරැසි සහිතව හෝ රහිතව හෝ සිනමා නිර්මාණ ගැන විස්තර වන ලිපි 1000ක් සම්පූර්ණ කිරීමට හැකි වීමටත් සුවිශේෂි සන්ධිස්ථානයකි. ඒ ලිපි දහසේ සැමරුම වෙනුවෙන් විචාරක/ප්‍රේක්ෂක ඇගයීම් නොමඳව ලබපු ලෝකයේ බිහිවූ අනර්ඝතම සිනමා නිර්මාණ උපසිරැසි ගන්වා බෙදාහැරීමටද අප පියවර ගනු ලැබුවා. ඊට සමගාමීව "බයිස්කෝප් මංසල" (http://info.baiscopelk.com) නමින් සහෝදර වෙබ් අඩවියක්ද නිර්මාණය කෙරුණා.

මෙතෙක් සිනමා නිර්මාණ බෙදා හදාගන්නා එකට සීමා වෙලා තිබුණ මේ කටයුත්ත ඉන් එහාටත් රැගෙන යාම එහි මූලික අරමුණ වුණා. ඒ අනුව ඉදිරියේ තැනෙන අලුත් නිර්මාණ, සිනමාත්මක යෙදවුම්, සිනමා ගීත සාහිත්යූය, ලෝක සිනමාවට සිදුවන කාලීන බලපෑම් ආදිය ගැනත් සිංහල බසින් තොරතුරු ගෙන ඒමට අප සූදානම්.

සෙමින් සෙමින් අප ආ ගමනේ අප පසු කර කඩඉම් රැසකි. ඒ අතරින් සිංහල උපසිරැසි 4500කට අධික සංඛ්යා වක් නොමිලයේ ලබා දෙන්නට හැකිවීමත් සිනමාවේ විවිධ තොරතුරු සහිත ලිපි 700 ඉක්මවා ලබා දෙන්නට හැකි වීමත් අප ලද ජයග්ර්හණයකි. උපසිරැසි ලබා දෙන්නට ආරම්භයේ පටන්ම දායකත්වය දැක්වුවේ ස්වකැමැත්තෙන් උපසිරැසිකරණයේ නිරත වූ 500ක් තරම් වන පරිවර්තකයන් පිරිසක් බව මෙහිදී විශේෂයෙන්ම සඳහන් කළ යුතු වනවා.

කිසිදු පෞද්ගලික ලාභයක් නොතකා ස්වේච්ඡාවෙන්ම එකතු වෙලා තමන් රසවිඳපු සිනමා නිර්මාණයක් භාෂාව බාධාවක් කර නොගෙන රසවිඳින්න අනෙක් ලක්ෂ ගණනක පිරිසකට ඉඩ සලසා දුන්නේ අප රටේ මානුෂීය හිතෛෂී ගුණාංග ලොවටම විදහා පාමින්. ඒ වගේම අපේ රටෙන් දුරස් වුණත් සහෝදර බැම්මෙන් අපිත් එක්ක එකතු වෙලා ලෝකය පුරාම ඉන්න සිංහල මවු බස කරගත් පිරිස් මේ වෙනුවෙන් එකතු වෙලා ඉන්නවා. ඒ අතරේ ඉතාලියේ/ සෞදියේ/ කොරියාවේ/ බ්රිෙතාන්යමයේ රැකියාවේ නිරත වන ගමන් මේ වෙනුවෙන් දිවා රෑ කැපවෙලා තමන්ගේ දැනුමෙන් තවත් බොහෝ පිරිසකට නොමිලයේ මේ සේවාව සලසන අයත් අප වටා එක්රැස් වී ඉන්නවා. ඒ හැමදෙනාම තමන් උගත් දෙයින් මේ රටේම පිරිසකට හැකි උපරිම ආකාරයේ සේවයක් ලබාදෙන්න ලැබීම තමන් ලද ඉතා විශාල භාග්‍යයක් ලෙස සලකනවා.

විදේශ සිනමාව යැයි පැවසූ සැනින් අප හිත රැදෙන හොලිවුඩය පමණක්ම නොව විවිධ රටවල් වල අග්‍රගන්‍ය සිනමා නිර්මාණ සදහා උපසිරැසි අපගෙන් ඔබ වෙත සැලසීම විශේෂ කාරණයක්. හොලිවුඩය පිළිබද රාමුවෙන් ඉවතට ගොස් හින්දි, දමිළ, තෙළිගු, කොරියන්, ජපන් සහ තවත් බොහෝ සිනමා නිර්මාණ වල උපසිරැසි ලැබිමෙන් එම විවිධ සිනමා සංස්කෘතවල ආවේණික ලක්ෂණ පිළිබදව ඔබගේ දැනුම තවත් තර කරගැනීමටද මෙන්ම වෙනත් විදියක රසවිදීමක හැකියාවක ඔබ වෙත ලැබෙනවා

එපමණක් නොව විදේශ රටවල දින හතේම විකාශයවන ටෙලිවිෂන් කථා මාලා හා ඒවායේ විස්තර අන්තර්ජාලයට එකතුවුණ සැනින්ම ඔබ වෙත ගෙන ඒමට අපේ සහෘද සම්පත් දායකයන් කැපවී සිටිනවා.

දිනෙන් දින මේ වටා එක්වන රසිකයන් පිරිස ඉහළ යද්දී උපසිරැසිකරණයට එක්වන පිරිසත් වර්ධනය වනවා. ඇතැම් අවස්ථාවන් වල උපසිරැසියක් වෙන්කරවා ගැනීම හා පළකරවා ගැනීමට ඉවසීමෙන් බලා සිටින්නට වුවත් අපි හැම දෙනාම මේ කටයුත්තට දායක වන්නේ ඉවසීමෙන් වගේම හොද සහයෝගයකින්. එය අප මිතුරු හවුල තුල ඇති එකමුතුකම, සහයෝගය පිළිඹිබු කරන හොද කාරණයක්.

බොහෝ දුර පාරක් පසුකරගෙන ඇවිදින මේ ගමනේ අද වෙනකොට ලංකාවේ අංක එකේ විනෝදාත්මක අඩවියක් බවට පත්වීමට ද හැකියාව ලැබී තිබෙනවා. අද වෙනකොට දිනකට ලක්ෂ දෙකකට ආසන්න පිරිසක් පැමිණෙන වෙබ් අඩවියක් වී හමාර බව සතුටට කාරණයක්.

එමෙන්ම මේ උපසිරැසි ගමනට උපසිරස 50 කට වඩා දායකත්වය සැපයූ MDG, පුබුදු සුපුන්, දිනිඳු සම්පත්,චලිදු දේශාන් , අංජන ඉෂාන්, දිදුල Kd, යශෝධ ශ්රීවමාල්, සමීර චතුරංග, කවිඳු ගිම්හාන්, ශාන් විමුක්ති, ප්‍රණිත් රණසිංහ, පැතුම් අතුකෝරල, කැලුම් රණවක, සුරේනි අතුරුගිරි, ස්වර්ණරේඛා සෙව්වන්දි ,දිමුතු තරංග, නලින් පෙරේරා, හේවා ලුණුවිලගේ යන සහෝදර සහෝදරයින් ඉතා ආදරයෙන් මතක් කරන්නට කැමතියි

කොතරම් අයහපත් දේ සිදුවූවත් ඒවා ක්ෂණිකව අවධානයට ලක් වූවත් යහපත් දේ අවසන් වී නැති බව සිහි කටයුතුය. එමෙන්ම මෙවැනි තාරුණ්යධයේ මැදිහත්වීම සුබවාදීව බැලිය යුතුය. බයිස්කෝප් සිංහලෙන් වෙබ් අඩවියට සුබ ගමනක් පතන්නෙමු.

-http://offair.nethfm.com-