වේගා නම් මෙම මෝටර් රථය එළඹෙන දෙසැම්බර් මස 12 වනදා වෙළඳපොලට ලක්ෂ 3000 ක මිලකට නිකුත් වීමට නියමිත වේ.
සංචාරක සමාගම් සඳහා මෘදුකාංග නිෂ්පාදනය කරන එංගලන්තයේ ට්‍රැවල් සොෆ්ට්වේයාර් නම් මව් සමාගමේ තවත් සමාගමක් ලෙසින් කටයුතු කරන කෝඩ්ජෙන් සමාගම විසින් සුපිරි "වේගා" නම් මෝටර් රථයේ නිෂ්පාදන කටයුතු සිදුකරයි.
ඒ සඳහා ශ්‍රී ලංකාවේන් බැහැරව විදේශ රටවලට සේවය සැපයූ ශ්‍රී ලාංකික මහාචාර්යවරු, ආචාර්යවරු, පරිගණක හා මෘදුකාංග ඉංජිනේරුවරු, තාක්ෂණික ශිල්පීන් මෙරටට ගෙන්වාගෙන ඔවුනට අවශ්‍ය සියලු පහසුකම් ලබා දී ඇත්තේ කොළඹ, මරදානේ නොලේජ් පාක් භූමියේ නවීකරනය කරන ලද පැරණි ට්‍රිපෝලි ගොඩනැගිල්ල තුළදීය.
මෙම මෝටර් රථය සම්පුර්ණයෙන් ඉලෙක්ට්‍රොනික මෝටර් රථයක් වන අතර මෝටර් රථයේ බඳ කාබන් ෆයිබර් යොදමින් නිෂ්පාදනය කරනු ලබන බව වාර්තා වේ. මෙම ව්‍යාපෘතිය සඳහා ඉන්ටෙල් සමාගමේ සේවය කල ශ්‍රී ලාංකිකයෙකුද එක්ව තිබේ. මෙම මෝටර් රථය ඇණවුම් සඳහා පමණක් ලබාදීමට කටයුතුකරනු බව වාර්තා වේ.
- http://www.gossipbook.lk -
Comments
Post a Comment