මේ දෙදෙනාගේ පෙම් සබඳකම පසුගිය මාස කිහිපයක් තිස්සේ දලුලා වැඩෙමින් පැවතුණු බවයි ආරංචි. ඒ කාලය තුළ මේ පෙම් පුවත ලොවට හෙළි වී නැහැ. එය රහසක් ලෙස තබා ගන්නට දෙදෙනාම දැඩි උත්සාහයක් ගෙන තිබෙනවා.
ඒත්, ඉස්තැන්බුල් සංචාරයෙන් පසුව තමයි හොරෙන් තැනූ මේ පෙම් කතාව හෙළි වී ඇත්තේ. ඒ හෙළිදරව්ව කර ඇත්තේ ඉස්තැන්බුල් නගරය තුළ ඔවුන් දෙදෙනා පසුපසින් ගමන් කළ පැපරාසි මාධ්‍යවේදීන් කිහිප දෙනෙක්. මේ සමඟම තවත් සිදුවීම් කිහිපයක් ද හෙළි වෙලා.
පසුගිය දා පැවැත්වුණු අර්ජුන් කපුර්ගේ උපන් දින උත්සවයට සොනාක්ෂි සහභාගි වී තිබෙනවා. මේ උපන් දින උත්සවයට සහභාගි වූ එකම බොලිවුඩ් නිළිය සොනාක්ෂිලු. ඇයට ඒ සඳහා ඇරයුම් ලැබී ඇත්තේ අර්ජුන්ගේ ඥාතීන්ගේ ද එකඟත්වයෙන්.
මේ උපන් දින සාදය සංවිධානය කර තිබූ මහීප් කපූර්ගේ උනන්දුව මත තමයි, අර්ජුන්, සොනාක්ෂිට ඇරයුම් කර ඇත්තේ. මහීප් කපූර් යනු ජනප්‍රිය නළු සන්ජේ කපූර්ගේ බිරියයි. අර්ජුන් සහ සොනාක්ෂිගේ සම්බන්ධයට දෙපාර්ශ්වයෙන්ම ආශිර්වාදය හිමි වී ඇතැයි පැවසෙනවා. මීට කලින් අර්ජුන් පෙම් කළේ යොවුන් නිළි පරිනීති චොප්රාටයි. තවත් යොවුන් නිළියක වන ආලියා භාට් ද ඔහුගේ පෙම්වතියක වී සිටියා.
Comments
Post a Comment