ඒ අනුව පසුගියදා පැවති සංගීත සංදර්ශනයකදී තමා තවදුරටත් එම්.එස් ගේ ගීත ගායනා නොකරන බවට ධනුෂ්ක විසින් පොරොන්දු වී තිබුණි.
මෙම ගැටුමට මුලික හේතුව වී තිබුනේ ඩ්‍රීම් ස්ටාර් අවසන් තරඟයේදී එම්ජී ධනුෂ්ක බයිලා චක්‍රවර්තී ලෙස හැඳින්වීමය. මෙය සිදුකරනු ලැබුවේ අවසන් තරඟයට සහභාගී වූ කලාකරුවෙකු විසිනි.
බයිලා චක්‍රවර්ති යනුවෙන් හැඳින්විය හැක්කේ එම්.එස් ප්‍රනාන්දු පමණක් බවත් අනුන්ගේ සින්දු කියන ඩ්‍රීම් ස්ටාර්ලාට එම නාමය කියා සිය පියාට අවමන් නොකරන ලෙස එම්.එස් ගේ පුතු සරත් ප්‍රනාන්දු ප්‍රකාශකොට තිබුණි.
ඒ පිලිබඳ වැඩිදුර අදහස් දක්වන ඔහු පවසන්නේ මෙවැන්නකි.
"අපේ පියාගේ වියෝ වීමෙන් පසුව මේ වනතුරුම එතුමාගේ නාමයට හානියක්, අගෞරවයක් වන අයුරින් සංගීත ක්ෂේත්‍රයේ කිසිවෙකු හෝ මේ වගේ දෙයක් කරලා නැහැ.
අපගේ පියා වියෝ වීමෙන් පසුවත් ‘චක්‍රවර්ති’ නමින් හැඳින්වෙමින් ජනප්‍රියත්වයේ රැඳී සිටිමින් එතුමාගේ ගීත රැව් පිළිරැව් දී පවතිනවාට ඊර්ෂ්‍යා කළ ඔය තුට්ටු දෙකේ කුහක කලාකාර පිරිස මාන බලබලා උන්නේ ‘චක්‍රවර්ති’ යන ඔය වටිනා නාමය කාට හෝ දීලා නැතිකර දමන්නයි.
ඔය SMS තරුව අපේ පියාගේ ගීත ගායනා කළ හින්දා එම කුහකයින් මේක අවස්ථාවක් කර ගත්තා ඔවුන්ගේ කුහක අරමුණ ඉටු කර ගන්න
එම නිසා අපේ පවුලේ හැමෝමත්, සංගීත කලාව හොඳින් දන්නා කලාකරුවනුත්, අපේ පියාට ආදරය කරන රසික රසිකාවියනුත් දැඩි අපහසුතාවයකට පත් වුණා.
ඒ අවස්ථාවේ සිට මෙතෙක් අපට දුරකථනයෙන්, facebook එකෙන්, e-mail වලින්, skype එකෙන් සහ හමුවීමෙන් අදහස් දක්වන එතෙර මෙතර සිටින රසික හිතවතුන්ගේ ප්‍රතිචාර වලින්ම අපට පැහැදිලිව දැනෙනවා ඔවුන් මොනතරම් නම් අපහසුතාවයකට පත් වීද ඉන්නේ කියන එක. ඔවුන් වත්, අපේ පවුලේ කිසිවෙකු වත් SMS තරුව සමඟ අමනාපයක් නැහැ. මොකද ඔහු නොවේනේ ‘චක්‍රවර්ති’ නාමය දමා ගත්තේ.
පැහැදිලිවම මෙවැනි වටිනා නාමයක් ලබන්න තම ජීවිතය කැප කළ එම්.එස්. ප්‍රනාන්දු නම් අග්‍රගණ්‍ය කලාකරුවාට මේ අගෞරවය කළේ අප මුලින් සඳහන් කළ අපේ පියාගේ ජනප්‍රියත්වය ඉවස දරා ගත නොහැකිව සිටින අර තුට්ටු දෙකේ කලාකාර කුහකයින් පිරිසයි. ඔවුන් මාන බලමින් උන්නේ කොයි යම් මොහොතක හෝ ‘බයිලා චක්‍රවර්ති එම්.එස්. ප්‍රනාන්දු’ නාමය ඉදිරියට ගෙන එන එතුමන්ගේ දරු පරපුරට ප්‍රහාරයක් එල්ල කරන්නයි. මේ කළේ ඒ කුහක පහර දීමයි.”
-http://www.gossipbook.lk-
Comments
Post a Comment