ඔරුගොඩවත්ත කන්ටේනර් බහාලුම් පර්යන්තයේ ඇඹරුම් යන්ත්‍ර 3ක අසුරා තිබුණු දැවැන්ත හෙරොයින් තොගයක් හමුවී තිබේ.
මෙම ඇඹරුම් යන්ත්‍ර පකිස්ථානයේ කරච්චි නගරයෙන් ආනයනය කර ඇති අතර එම යන්ත්‍ර රැගෙන යාමට පැමිණි පුද්ගලයා මේවන විට හඳුනාගෙන ඇත.
මීට ස්වල්ප මොහොතකට පෙර සොයාගනු ලැබූ මෙම හෙරොයින් තොගයේ වටිනාකම මේවන තෙක් ගණන් බලා නොමැත.
කෙසේ වෙතත් මෙලෙස ඇඹරුම් යන්ත්‍රවල අසුරා මත්කුඩු ගෙනා පුද්ගලයා ද රේගු බලධාරීන් විසින් අත්අඩංගුවට ගෙන තිබේ.
එසේම මෙම භාණ්ඩ තොගය පිරික්සුම් කළ බව කියන වාප්පු නිලධාරීන් දෙදෙනෙකුද අත්අඩංගුවට ගෙන ඇත.
එසේ වුවද සැකකරුවන්ගේ ආගමික උපවාස කටයුතු හේතුවෙන් පරීක්ෂණ කටයුතු කෙරෙහි විශේෂ අවධානයක් යොමු කිරීමට සිදුව ඇතැයි දැනගන්නට ලැබේ.
මේ අතර අදාළ කුඩු තොගය ප්‍රමාණාත්මක වශයෙන් කිලෝ ග්‍රෑම් 100ක් පමණ වන බවද එහි වටිනාකම රුපියල් කෝටි 70ක් වන බවද රේගුව පැවසීය.
-http://sinhala.adaderana.lk/-
video :- Click Here
Comments
Post a Comment